Էրդողանը պաշտոն է տվել իր մորաքրոջ որդուն
Թուրքիայի նախագահ Ռեջեփ Թայիփ Էրդողանը պաշտոն է տվել իր մորաքրոջ որդուն՝ Ռեջեփ Ալի Էրին:
Այս մասին տեղեկացնում ermenihaber.am-ը:
Թուրքիայի կառավարության պաշտոնաթերթում հրապարակված Էրդողանի ստորագրությամբ որոշումից պարզ է դարձել, որ նախագահն իր մորաքրոջ որդուն նշանակել է սպորտի և երիտասարդության հարցերի վարչություններից մեկի՝ Ուսանողական հանրակացարանների կառավարման վարչության պետ:
2018-ի հունիսին էլ Էրդողանը իր մորաքրոջ մյուս որդուն՝ Իբրահիմ Էրին, նշանակել էր կրթության փոխնախարար:
Նշենք նաև, որ Էրդողանի փեսա Բերաթ Ալբայրաքն էլ զբաղեցնում է Թուրքիայի գանձապետարանի և ֆինանսների նախարարի պաշտոնը:
