«Վան Գալն ասում էր, որ երեք տարի անց կզիջի իր տեղն ինձ «Մանչեսթեր Յունայթեդում»». Ռայան Գիգզ
«Մանչեսթեր Յունայթեդի» նախկին ֆուտբոլիստ Ռայան Գիգզը պատմել է, որ մանկունյանցիների նախկին գլխավոր մարզիչ Լուի վան Գալը պատրաստվել է իրեն դարձնել իր հետնորդը:
Հիշեցնենք, որ վալիացին մարզական կարիերայի ավարտից հետո մտնում է «Մանչեսթեր Յունայթեդի» մարզչական շտաբի մեջ և 2 տարի վան Գալի օգնականն էր:
«Ակումբն ինձ ոչինչ չի խոստացել: Այդ մասին ասել է անձամբ Լուին: Նա հայտարարել է Էդ Վուդվորդին, որ կաշխատի գլխավոր մարզիչ երեք տարի, հետո ինձ կզիջի իր տեղը: Բայց ինձ ոչ ոք և երբեք չի տվել նման խոստում: Ես չեմ կարծում, որ պատրաստ էի այդ աշխատանքին, երբ ավարտեցի խաղալ, չնայած Լուիի հետ համատեղ աշխատանքից հետո ես ինձ պատրաստ էի զգում: Չնայած ոչինչ դուրս չեկավ, բայց վան Գալը հոյակապ էր: Նա ինձ համար ուսուցիչ էր»,- Գիգզին է մեջբերում The Guardian-ը:
Պատրաստեց Անի Գաբուզյանը
