«Կոնցեսիոները խոստացել է, որ առաջիկայում օդանավակայանը կաշխուժանա, և բյուջետային չվերթեր կիրականացվեն»
Կոնցեսիոները ներդրումային ծրագիր է իրականացնում Գյումրիի օդանավակայանում։ Այս մասին այսօր ԱԺ նիստում հայտարարեց ՀՀ վարչապետ Նիկոլ Փաշինյանը։ Ըստ նրա՝ գործընթացը որոշ չափով դանդաղել է, որովհետև շենքը պատմամշակութային նշանակություն ունի, և քննարկվում են լուծման ուղիները, սակայն խնդիրը կարգավորման փուլում է։
«Կոնցեսիոները խոստացել է, որ առաջիկայում օդանավակայանը կաշխուժանա, և բյուջետային չվերթեր կիրականացվեն»,- ասաց Ն.Փաշինյանը՝ նկատելով, որ Երևանի «Զվարթնոց» օդանավակայանը հասնում է փոխադրումների իր մաքսիմումին։
