Երևանի քաղաքապետարանում մեկնարկեց ավագանու հերթական նիստը. ուղիղ
Երևանի քաղաքապետարանում փետրվարի 12-ին մեկնարկեց Երևան քաղաքի ավագանու 2-րդ նստաշրջանի 1-ին նիստը:
Նիստի օրակարգում ընդգրկված է վեց հարց: Նիստի ընթացքում ավագանու անդամները կհաստատեն ավագանու երկրորդ նստաշրջանի ժամանակավոր հաշվիչ հանձնաժողովի կազմը, կընտրվի ավագանու իրավական հարցերի մշտական հանձնաժողովի նախագահը:
Օրակարգում ընդգրկված հարցերից մեկը վերաբերում է Երևանի կենդանաբանական այգու կառավարումն ավելի արդյունավետ և թափանցիկ իրականացնելու նպատակով կոլեգիալ կառավարման մարմին՝ խորհուրդ ստեղծելուն:
