«Յուվենթուսը» կփորձի ստորագրել Սալահին, եթե Դիբալան հեռանա ամռանը
Թուրինցիները նշանառության տակ են առել եգիպտացուն:
Ինչպես պնդում է Don Balon-ը, «Յուվենթուսը» կարող է հաջորդ ամռանը բանակցություններ սկսել «Լիվերպուլի» հետ՝ հարձակվող Մո Սալահին գնելու վերաբերյալ, եթե Թուրինից հեռանա Պաուլո Դիբալան:
Ըստ աղբյուրի տվյալների՝ հնարավոր տրանսֆերը թուրինցիները գնահատում են 200 մլն եվրո՝ գումարած տարատեսակ բոնուսներ: Հաղորդվում է, որ Դիբալան կարող է հեռանալ ակումբից՝ հիմնական կազմում տեղը կորցնելու և Մասիմիլիանո Ալեգրիի հետ ունեցած կոնֆլիկտի պատճառով:
Հաղորդվում է, որ իտալացիների շորթ-լիստում տեղ է գտել նաև «Ռեալի» հարձակվող Մարկո Ասենսիոն:
Պատրաստեց Անի Գաբուզյանը
