«Ես Չեմպիոնների լիգան պարտվեցի Ռոնալդուին, հիմա ուզում եմ հաղթել նրա հետ». Էմրե Ջան
«Յուվենթուսի» կիսապաշտպան Էմրե Ջանը խոսել է ակումբի՝ այս մրցաշրջանում Չեմպիոնների լիգան հաղթելու ցանկության մասին:
«Ես Չեմպիոնների լիգան պարտվեցի Ռոնալդուին, հիմա ուզում եմ հաղթել նրա հետ:
Ես շատ եմ լսել Իտալիայում, որ մեր երկրպագուները կարծում են, որ մենք պետք է հաղթենք Չեմպիոնների լիգան: Երկրպագուներն անհամբերությամբ սպասում են դրան: Մենք, բնականաբար, ևս:
«Ատլետիկոյի» հետ դժվար կլինի, սա ամենադժվար մրցակիցներից մեկն է, որը կարող էր բաժին ընկնել մեզ:
«Ատլետիկոն» դժվար հակառակորդ է, որը լավ է պաշտպանում, դժվար է խաղալ նրա հետ: Բայց մենք «Յուվենթուսն» ենք և պետք է հավատանք ինքներս մեզ, փորձենք հաղթել:
Ես լսել եմ, որ մենք արդեն համարվում ենք Իտալիայի չեմպիոններ: Մեր թիմը հնարավորություն ունի հաղթելու տիտղոսն ութերորդ անգամ անընդմեջ, բայց դա միշտ էլ հեշտ չէ:
Դա հսկայական աշխատանք է: Սկուդետոն մեր առաջին մարտահրավերն ու նպատակն է, բայց Չեմպիոնների լիգան, իհարկե, նույնպես»,- ասել է Ջանը:
Սիրարփի Աղաբաբյան
