«Ես մտածում եմ միայն «Բավարիայի» մասին». Խամես Ռոդրիգես
Մյունխենցիների կիսապաշտպանը չի մեկնաբանում տրանսֆերային շշուկները:
«Բավարիայի» կիսապաշտպան Խամես Ռոդրիգեսը, ում պայմանագիրը պատկանում է Մադրիդի «Ռեալին», չի հաստատել ոչ մի տրանսֆերային շշուկ և հերքել է մյունխենցիների գլխավոր մարզիչ Նիկո Կովաչի հետ հարաբերությունների վատթարացման մասին լուրերը:
«Մենք երկուսս էլ արհեստավարժ ենք: Մենք նորմալ հարաբերություններ ունենք խաղացող-մարզիչ շրջանակներում: Ես կպահպանեմ հանգստություն և ջանասիրաբար կմարզվեմ:
Ըստ պայմանագրի՝ ինձ մնացել է 4 ամիս, և ես մտածում եմ միայն «Բավարիայի» մասին»,- ֆուտբոլիստին է մեջբերում Bild-ը:
Ավելի վաղ Խամես Ռոդրիգեսի հայրը հայտարարել էր, որ «Յուվենթուսին» համարում է գերազանց տարբերակ որդու կարիերայի շարունակման համար:
Պատրաստեց Անի Գաբուզյանը
