Կովկասի բնության հիմնադրամը դրամաշնորհ է հատկացրել «Գնիշիկ» միջհամայնքային բնապահպանական հիմնադրամին
Կովկասի բնության հիմնադրամը շարունակում է աջակցությունը Հայաստանի բնության հատուկ պահպանվող տարածքներին (ԲՀՊՏ) և զարգացման գործընթացի 2019 թվականի դրամաշնորհային մեկնարկը սկսում է «Գնիշիկ» միջհամայնքային բնապահպանական հիմնադրամին ֆինանսական առաջին հատկացմամբ:
CNF-ի կողմից տրամադրվող դրամաշնորհը հնարավորություն կտա էլ ավելի բարելավելու կենսաբազմազանության պահպանության պայմանները՝ «Գնիշիկ» պահպանվող լանդշաֆտում:
Կովկասի բնության հիմնադրամը կարևորում է Հայաստանի կառավարության հետ համագործակցության շարունակականությունը ԲՀՊՏ-ներում աշխատանքների արդյունավետության համար: 2019 թվականի համար CNF-ը 700 հազար եվրո դրամաշնորհ է հատկացնելու «Արփի լիճ» ու «Դիլիջան» ազգային պարկերին, «Խոսրովի անտառ» պետական արգելոցին, «Զանգեզուր» կենսոլորտային համալիրին և «Գնիշիկ» պահպանվող լանդշաֆտին։
