«Առջևում դժվար ամիս է, բայց «Մանչեսթեր Յունայթեդը» պատրաստ է». Սուլշեր
«Մանչեսթեր Յունայթեդի» գլխավոր մարզիչ Ուլե-Գունար Սուլշերը կիսվել է կայանալիք խաղերի սպասումներով: Փետրվարին «Մանչեսթեր Յունայթեդը» խաղեր ունի ՊՍԺ-ի, «Լիվերպուլի» և «Չելսիի» հետ:
«Թիմը լավ պատրաստված է, մենք միասին ենք արդեն 6 շաբաթ, գիտենք մեր ուժեղ և թույլ կողմերը: Քամբեքը «Բերնլիի» հետ խաղում կօգնի «Մանչեսթեր Յունայթեդին» տեղափոխվել նոր մակարդակ, որովհետև մենք շանս ստացանք մտնել լավագույն քառյակ ավելի շուտ, քան պլանավորել էինք: Առջևում դժվար ամիս է, բայց մենք պատրաստ ենք, մենք մեծ թիմ ունենք»,- Սուլշերին է մեջբերում Goal-ը:
24 տուրերից հետո «Մանչեսթեր Յունայթեդը» գրավում է ԱՊԼ-ի մրցաշարային աղյուսակի 6-րդ հորիզոնականը՝ ակտիվում ունենալով 45 միավոր:
Պատրաստեց Անի Գաբուզյանը
