Որքանո՞վ է հավանական Մխիթարյանի՝ «Զենիթ» տեղափոխությունը
Ֆուտբոլային մեկնաբան Գենադի Օռլովը խոսել է ռուսական «Զենիթի» շուրջ պտտվող տրանսֆերային խոսակցությունների մասին: Նշենք, որ ըստ ռուսական լրատվամիջոցների՝ «Զենիթ» կարող է տեղափոխվել հայ կիսապաշտպան Հենրիխ Մխիթարյանը:
«Երեկ խոսակցություններ կային, որ Մխիթարյանը կարող է տեղափոխվել «Զենիթ»: Ես իմ աղբյուրներով սկսեցի արագ պարզել՝ ինչպիսին է իրավիճակը:
Ընդհանրապես կցանկանամ, որ դուք իմանաք, որ Մխիթարյանի տատիկը ռուս է, և նա չի թաքցնում, որ մեկ-երկու տարուց կարող է տեղափոխվել Ռուսաստան:
Ո՞ր ակումբ: Դե, ով արդեն կպայմանավորվի նրա հետ:
Հիմա նա մնում է «Արսենալում», ինչպես ինքն է ասում: Նա Անգլիայում շատ ջանքեր է ներդրել ու հենց այնպես չի թողնի իր հեղինակությունը»,- նշել է մեկնաբանը:
Սիրարփի Աղաբաբյան
