Տու-22Մ3 ռմբակոծիչը կործանվել է. կան զոհեր
Տու-22Մ3 ռմբակոծիչն աղետի է ենթարկվել Ռուսաստանի Մուրմանսկի մարզի ռազմական օդաթռիչքարանում վայրէջք կատարելիս: Հունվարի 22-ին այս մասին ՏԱՍՍ-ին հաղորդել է ուժային կառույցների մի աղբյուր։
«Տու-22Մ3 ռմբակոծիչն աղետի է ենթարկվել Օլենգորսկի (Մուրմանսկի մարզ) հեռավար օդուժի գնդի օդաթռիչքարանում վայրէջք կատարելիս: Ավիապատահարը տեղի է ունեցել Մոսկվայի ժամանակով ժամը մոտավորապես 13:40-ին»,- ասել է գործակալության զրուցակիցը: Նրա խոսքով՝ վթարի ենթարկված ռմբակոծիչի անձանակազմից, նախնական տվյալներով՝ ողջ են մնացել հրամանատարը եւ ղեկապետը:
«Նախնական տեղեկատվությամբ՝ հրամանատարը եւ ղեկապետը ողջ են մնացել»,- ասել է աղբյուրը: Այդ ինքնաթիռի անձնակազմը բաղկացած էչորս հոգուց:
