«Վերստին կհարձակվենք մերձակայքում առկա ռազմակայաններից». Թրամփ
ԱՄՆ-ի նախագահ Դոնալդ Թրամփը տնտեսական միջոցներով է սպառնացել Թուրքիային, եթե նա որոշի հարձակվել սիրիացի քրդերի վրա։
«Սկսում ենք Սիրիայից զորքերի վաղուց հասունացած դուրսբերումը եւ միաժամանակ տարբեր կետերից ուժգին հարվածներ ենք հասցնում այն ամենին, ինչ մնացել է «Իսլամական պետության» խալիֆայությունից: Վերստին կհարձակվենք մերձակայքում առկա ռազմակայաններից, եթե ԻՊ-ն վերակազմվի: Տնտեսապես կհյուծենք Թուրքիան, եթե նրանք հարվածեն քրդերին»,- գրել է Թրամփը Twitter-ում:
Նրա խոսքով՝ ԱՄՆ-ը նաեւ չի ցանկանում, որ «քրդերը սադրեն Թուրքիային»:
«Ռուսաստանը, Իրանը եւ Սիրիան Սիրիայում ԻՊ-ի ոչնչացմանն ուղղված ԱՄՆ-ի երկարաժամկետ քաղաքականության ամենախոշոր օգտվողներն են: Մենք եւս շահում ենք դրանից, բայց եկել է զորքերը տուն վերադարձնելու ժամանակը: Հարկավոր է դադարեցնել անվերջ պատերազմները»,- ասված է ԱՄՆ-ի նախագահի հաղորդագրության մեջ, հաղորդել է ՏԱՍՍ-ը:
