ԱՄՆ-ում մարդ է զոհվել թեթև շարժիչավոր ինքնաթիռի կործանման հետևանքով
Թեթեւշարժիչավոր ինքնաթիռ է կործանվել ԱՄՆ-ի Հարավային Դակոտայի նահանգի բնակելի շրջանում, զոհվել է մեկ մարդ: Այդ մասին հայտնել է Daily Star բրիտանական թերթը:
Միջադեպը տեղի է ունեցել Սու Ֆոլս քաղաքում: Քաղաքի արտակարգ իրավիճակների գծով մենեջեր Ռեգան Սմիթը հայտարարել է, որ զոհվածը գտնվում էր օդանավում:
Ավիաաղետի հետեւանքով վնասվել է չորս բնակելի շենք, որոնցից երկուսն ավերված են:
Ոստիկանությունը շարունակում է որոնողական գործողությունը:
«Մենք դեռեւս հետաքննություն ենք անցկացնում, կարող են լինել այլ զոհեր»,- նշել է Սմիթը: Օդանավի կործանումը հետաքննելու համար հրավիրվել են Տրանսպորտում անվտանգության ազգային խորհրդի մասնագետները, հաղորդել է ՌԻԱ Նովոստին:
