Գիտնականները տեսագրել են մողեսի շնչառությունը ջրի տակ
Կոստա Ռիկայում վավերագրական ֆիլմի նկարահանումների ժամանակ ռեժիսորները զարմանալի կադրեր են նկարահանել: Դրանք ապացուցում են, որ մողեսներն ունակ են շնչելու ջրի տակ:
Ավելի քան մեկ տարի ֆիլմի ստեղծողները՝ կենսաբաններ Նիլ Լոսինը եւ Նեյթ Դապենը, ճանապարհորդել են տարբեր երկրներում, որպեսզի նկարահանեն անոլիսների ընտանիքի մողեսների: Դրանք իգուանաների՝ բնության մեջ առավել հաճախակի հանդիպող խումբն են:
Վաղուց հայտնի էր, որ անոլիսները կարողանում են ջրի տակ մնալ մոտավորապես տասնհինգ րոպե: Ավելի վաղ կարծում էին, թե դրանք կարողանում են շատ լավ պահել շնչառությունը: Բայց կենսաբանների ֆիլմի կադրերն ապացուցում են, որ մողեսներն ունակ են օդ պաշարել, ինչպես ջրասուզակները, եւ այն օգտագործել մի քանի անգամ, հաղորդել է ՌԻԱ Նովոստին:
