«Միլանը» Գատուզոյի վերաբերյալ որոշում կկայացնի առաջիկա 3 խաղերից հետո
«Միլանը» գլխավոր մարզիչ Ջենարո Գատուզոյին ժամանակ է տվել մինչև դեկտեմբերի վերջ, որպեսզի վերջինս կարողանա լավագույն կողմից ցուցադրել իրեն:
Ըստ SportMediaset-ի տեղեկության՝ ակումբի ղեկավարությունը կվերլուծի իտալացի մասնագետի ղեկավարությամբ թիմի խաղն առաջիկա երեք հանդիպումների ընթացքում՝ «Ֆիորենտինայի», «Ֆրոզինոնեի» և ՍՊԱԼ-ի դեմ:
Այս հանդիպումների արդյունքում «Միլանի» ղեկավարությունը որոշում կկայացնի՝ կամ պահպանել Գատուզոյին գլխավոր մարզչի պաշտոնում, կամ հեռացնել նրան:
Աղբյուրը հաղորդում է, որ որպես Գատուզոյին փոխարինող՝ ակումբը դիտարկում է Ռոբերտո Դոնադոնիին կամ «Արսենալի» նախկին գլխավոր մարզիչ Արսեն Վենգերին:
Հիշեցնենք, որ ընթացիկ մրցաշրջանում «Միլանը» Գատուզոյի ղեկավարությամբ դուրս մնաց Եվրոպայի լիգայից՝ պարտվելով խմբային փուլի որոշիչ խաղն «Օլիմպիակոսին»:
Պատրաստեց Անի Գաբուզյանը
