Թրամփը պատմել է Մեքսիկայի հետ սահմանին պարսպի գեղարվեստական ձևավորման մասին
Մեքսիկայի հետ սահմանին պարիսպը կկառուցվի եւ գեղարվեստորեն կձեւավորվի պողպատե ձողերից: Այդ մասին հայտնել է ԱՄՆ-ի նախագահ Դոնալդ Թրամփը:
«Դեմոկրատները բարձրաձայն եւ պարզորոշ հայտարարում են, թե չեն ցանկանում բետոնե պարիսպ կառուցել, բայց մենք բետոնե պարիսպ չենք կառուցում, մենք գեղարվեստորեն ձեւավորված պարիսպ ենք կառուցում պողպատե ձողերից, դրա միջով ամեն ինչ կերեւա: Այն կլինի գեղեցիկ եւ միեւնույն ժամանակ անվտանգություն կընձեռի մեր երկրին, որին արժանի են մեր քաղաքացիները: Մենք միլիարդավոր դոլարներ կտնտեսենք կառուցումն ավարտելուց հետո»,- հայտարարել է Թրամփը Twitter-ում, հաղորդել է «Ինտերֆաքս»-ը:
