Սիսիանում ձնահյուսի տակ մնացած զինծառայողներից մեկին դեռ չեն գտել
Սիսիանում դեկտեմբերի 5-ին ձնահյուսի տակ մնացած չորս պայմանագրային զինծառայողներից երեքին հաջողվել է գտնել, մեկի որոնողական աշխատանքները շարունակվում են: Այս մասին «Արմենպրես»-ին տեղեկացրեց ՀՀ ՊՆ մամուլի քարտուղար Արծրուն Հովհաննիսյանը:
«Զինծառայողները մնացել էին ձնահյուսի տակ, նրանց բոլորին հաջողվել է գտնել, բացի մեկից: Ներկայումս որոնողական աշխատանքներ են տարվում: Նրանք ձնայուսի տակ էին մնացել մարտական հերթափոխի անցկացման ընթացքում»,- ասաց Հովհաննիսյանը:
Նա նշեց, որ հայտնաբերված զինծառայողների առողջական վիճակը գնահատվում է նորմալ:
