Եվրահանձնաժողովը կոչ է արել ԵՄ-ի երկրներին ընդլայնել եվրոյի գործածումը
Եվրամիության երկրները պետք է ընդլայնեն եվրոյի գործածումը էներգետիկայի ոլորտում երրորդ երկրների եւ եվրոպական շուկայի մասնակիցների հետ գործարքներում: Այդ մասին ասված է Եվրահանձնաժողովի հանձնարարականում, որն ընդունվել է դեկտեմբերի 5-ին:
«Անդամ պետությունները պետք է օժանդակեն եվրոյի ավելի լայն օգտագործմանը էներգետիկայի ոլորտում երրորդ երկրների հետ հարաբերություններում, այդ թվում՝ երկկողմ եւ բազմակողմ միջազգային համաձայնագրերի կամ այնպիսի փաստաթղթերի շրջանակում կնքվող պարտավորագրերում, ինչպիսիք են փոխըմբռնման մասին հուշագրերը»,- նշվում է փաստաթղթում, հաղորդել է ՌԻԱ Նովոստին:
