«Դեպքը պետք է քննվի, պատճառները պարզվեն». Նիկոլ Փաշինյանը՝ ՍՈՒ-25 օդանավ վթարի մասին
«Այսօր առավոտից անհանգստացնող լուր ունեի, և այդ լուրերը 1 ժամ առաջ բոլոր մանրամասնություններով հաստատվեցին։ Հայաստանի ԶՈՒ ՍՈՒ-25 օդանավ է վթարի ենթարկվել և մեր 2 սպաները՝ շատ փորձառու օդաչուներ զոհվել են»,- այսօր Արմավիրում նախընտական հանրահավաքի ժամանակ հայտարարեց «Իմ քայլը» դաշինքի առաջնորդ, ՀՀ վարչապետի պաշտոնակատար Նիկոլ Փաշինյանը։
Նրա առաջարկով՝ ներկաները 1 րոպե լռությամբ հարգեցին օդաչուների հիշատակը։
«Իհարկե, դեպքը պետք է քննվի, պատճառները պարզվեն»,- ասաց Ն.Փաշինյանը՝ ցավակցություն հայտնելով զոհված զինծառայողների հարազատներին, մտերիմներին, ծառայակիցներին։
