Բորիս Բերեզովսկին առողջական խնդիրների պատճառով չի ժամանել Երևան. նրա մասնակցությամբ համերգը հետաձգվում է
Դաշնակահար Բորիս Բերեզովսկին առողջական խնդիրների պատճառով չի ժամանել Երևան, և այսօր՝ ժամը 19.00, Արամ Խաչատրյան» համերգասրահում նրա մասնակցությամբ նախատեսված համերգը հետաձգվում է։ «Արմենպրես»-ին այս մասին տեղեկացրին Հայաստանի պետական սիմֆոնիկ նվագախմբի հասարակայնության հետ կապերի բաժնից:
«Շուտափույթ ապաքինում ենք մաղթում դաշնակահարին և հայցում համերգի տոմսեր ձեռք բերած երաժշտասերների ներողամտությունը։ Տեղեկացնում ենք, որ Բորիս Բերեզովսկու ելույթը կկայանա առաջիկայում. ժամկետի մասին լրացուցիչ կտեղեկացվի։ Գնված տոմսերը ուժի մեջ են»,- ասված է Հայաստանի պետական սիմֆոնիկ նվագախմբի տարածած հաղորդագրության մեջ։
