Վթար Արտաշատ-Այգեպատ ավտոճանապարհին. կա տուժած
Հոկտեմբերի 31-ին` ժամը 03:50-ին, «911» ծառայությանը տեղեկություն է հաղորդվել, որ Արարատի մարզի Այգեպատ գյուղի մոտակայքում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Արտաշատ-Այգեպատ ավտոճանապարհի 5-րդ կմ-ին բախվել են «Toyota Corolla» մակնիշի (վարորդը՝ Ա. Զ., ծնված 1979 թ.) և «ԵրԱԶ-762» մակնիշի (վարորդը՝ Ա. Հ., ծնված 1968 թ.) ավտոմեքենաները:
Մինչ փրկարարների՝ կանչի վայր հասնելը, Ա. Հ.-ն հոսպիտալացվել է Արտաշատի ԲԿ, որտեղ ստանալով համապատասխան բուժօգնություն՝ դուրս է գրվել:
Փրկարարները դադարեցրել են «ԵրԱԶ-762» մակնիշի ավտոմեքենայի գազի արտահոսքը, հոսանքազրկել ավտոմեքենաները և մոտեցրել ավտոքարշակին:
