Արարատն այսօր ճերմակել է
Ներկայիս Թուրքիայի Աղրը նահանգում գտնվող հայկական լեռնաշխարհի ամենաբարձր լեռը՝ Արարատը, ձյունապատվել է և գրեթե ամբողջովին ճերմակել։ Այդ նահանգում վերջին ժամանակներս նկատվում է ջերմաստիճանի անկում։
Հայաստանի սահմանից 32կմ հեռավորության վրա գտնվող Արարատը 2000 մետրից սկսած մինչև գագաթ պատվել է ձյունով։ Արարատի մեծ և փոքր գագաթների բարձրությունը կազմում է 5165մ և 3925մ։
Թուրքիայում հաճախ Արարատին անվանում են «Թուրքիայի տանիք»։ Թուրքական աղբյուրը նշում է ձյունապատումից հետո բացվել է հրաշալի տեսարան դեպի լեռը։
Նշենք, որ թուրքերը փոխել են Արարատ լեռան անվանումը և իրենց քարտեզներում ու տեղեկագրերում նշում են Աղրը դաղ:
