«Մելոդիա» ֆիրման թողարկել է Ռախմանինովի ստեղծագործության անթոլոգիան
«Մելոդիա» ձայնագրող ֆիրման թողարկել է Սերգեյ Ռախմանինովի ստեղծագործության խոշորագույն անթոլոգիան՝ կոմպոզիտորի 145-ամյակի տարում: Այդ մասին հայտնել է ընկերության մամուլի ծառայությունը:
Հավաքածուն պարունակում է 33 սկավառակ, ներառյալ Ռախմանինովի հեղինակային ձայնագրությունները անցյալ դարի 20-30-ական թվականներին, Սերգեյ Պրոկոֆեւի մեկնաբանությունների արխիվային ձայնագրությունները, ներկայացված են դաշնակահարներ Վլադիմիր Գորովիցի, Սվյատոսլավ Ռիխտերի, Էմիլ Գիլելսի, ինչպես նաեւ մեր ժամանակակիցների՝ Գրիգորի Սոկոլովի, Վիկտոր Երեսկոյի եւ ուրիշների ձայնագրությունները:
Հոբելյանական հավաքածուն ներառում է բոնուս՝ ավելի վաղ չհրապարակված ձայնագրությունների սկավառակ, որում տեղ է գտել դաշնամուրի համար Երկրորդ կոնցերտը՝ նվագախմբի հետ: Սերգեյ Ռախմանինովը (1873-1943 թթ.) ռուս խոշորագույն կոմպոզիտոր է, աշխարհի մեծագույն դաշնակահարներից ու դիրիժորներից մեկը, հաղորդել է ՏԱՍՍ-ը:
