Հակոբ Արշակյանի առաջարկը՝ աջ ղեկով մեքենաները ներմուծել՝ որպես պահեստամասեր
Տրանսպորտի, կապի և ՏՏ նախարարի պաշտոնակատար Հակոբ Արշակյանը հնարավորություն չի տեսնում սահմանին կուտակված աջ ղեկով մեքենաների՝ որպես տրանսպորտային միջոց Հայաստան ներմուծման համար, սակայն հնարավոր է համարում դրանց՝ որպես պահեստամասեր, ներմուծումը։ Այսօր կառավարությունում լրագրողների հետ զրույցում նախարարը նշեց, որ վաղը տեղի են ունենալու քննարկումներ։
«Կարծում եմ՝ դա շարունակական բնույթ կկրի: Այդ խումբը, որն առաջարկում է օրենքը փոխել, այսօր ես իմացա, որ իրենց պահանջը փոխել են և առաջարկում են, որ աջ ղեկի ներմուծումն ուղղակի թույլատրվի, և վերջ: Այդ առումով վաղվանից սկսած լինելու են քննարկումներ»,- ասաց Արշակյանը:
Նա նշեց, որ, երբ ինքը դեռ քաղաքացիական ակտիվիստ էր, պայքարում էր աջ ղեկով մեքենաների թույլատրման համար, սակայն որպես նախարար՝ այդպես էլ հստակ դիրքորոշում չհայտնեց՝ կո՞ղմ է օրենքի փոփոխությանը, թե՞ ոչ:
Մանրամասները՝ տեսանյութում:
