«Հաղթանակները Չեմպիոնների լիգայում առավելություն են տալիս «Բարսելոնային» Կլասիկոյից առաջ». Էրնեստո Վալվերդե
«Բարսելոնայի» գլխավոր մարզիչ Էրնեստո Վալվերդեն մեկնաբանել է հաղթանակն «Ինտերի» նկատմամբ (2:0) Չեմպիոնների լիգայի խմբային փուլի 3-րդ տուրի խաղում:
«Մեսսիի դաշտում չլինելը միշտ ծանր է, բայց մենք ուզում ենք հաղթել: Մենք թույլ չտվեցինք «Ինտերին» խաղալ իր խաղը հանդիպման ամբողջ ընթացքում: Իմանալով մրցակցին՝ պլանավորել էինք զրկել նրան գնդակից:
Արթուրը շատ լավ խաղաց, և ես շատ ուրախ եմ նրա համար: Փոխարինեցի նրան, որովհետև չցանկացա ռիսկի դիմել. նա մի փոքր հարված էր ստացել: Մենք այսօր լավ խաղացինք, իսկ «Ուեմբլիում»՝ հիասքանչ: Այս երկու հաղթանակները մեզ հոգեբանական առավելություն են տալիս Կլասիկոյից առաջ»,- իսպանացի մասնագետին է մեջբերում Football Espana-ն:
Պատրաստեց Անի Գաբուզյանը
