Անտոնիո Կոնտեն համաձայնել է գլխավորել «Ռեալը»
Իտալացի մասնագետ Անտոնիո Կոնտեն կարող է փոխարինել Ժուլեն Լոպետեգիին «Արքայական ակումբի» մարզչի պաշտոնում:
«Ռեալի» վերջին անհամոզիչ ելույթները Լա Լիգայում և Չեմպիոնների լիգայում ստիպել են ակումբի ղեկավարությանը փոխարինող գտնել թիմի ներկայիս գլխավոր մարզիչ Ժուլեն Լոպետեգիի համար:
Ավելի վաղ հաղորդվել էր, որ մադրիդյան ակումբը բանակցությունների մեջ է մտել Անտոնիո Կոնտեի հետ, ով «Չելսիից» հեռացվելուց հետո գտնվում է առանց աշխատանքի: Ըստ Sky Sports-ի տեղեկությունների՝ բանակցությունները հաջող են անցել, և իտալացի մասնագետը համաձայնել է գլխավորել «Ռեալը»:
Սպասվում է, որ Ժուլեն Լոպետեգին կհեռացվի Էլ Կլասիկոյից հետո, որը տեղի կունենա մոտակա կիրակի:
Պատրաստեց Անի Գաբուզյանը
