«Չափն էական չէ». Արսեն Թորոսյանը՝ արգելված վայրերում ծխելու դեմ սահմանված մեծ տուգանքների մասին
Առողջապահության նախարարի պաշտոնակատար Արսեն Թորոսյանը հույս ունի, որ «Ծխելու դեմ պայքարի» մասին նոր օրինագիծը, որով ծխելու համար մեծ տուգանքներ են սահմանվում, Ազգային ժողովում կընդունվի:
Այսօր կառավարության նիստից հետո լրագրողների հետ զրույցում նա նշեց, որ տուգանքն ընդամենը կանխարգելելու համար է:
«Չափն էական չէ, որովհետև դու չես ուզում տուգանել մարդկանց, դու ուզում ես պարզապես, որպեսզի նա չխախտի արգելքը»,- ասաց նա:
Հարցին, թե ինչպե՞ս են վերահսկելու, որպեսզի մարդիկ արգելված վայրերում չծխեն, Թորոսյանը պատասխանեց, որ կվերահսկեն այնպես, ինչպես վերահսկում են մյուս ոլորտները, օրինակ՝ ճանապարհային երթևեկության, և եթե, օրինակ, իր ենթական իր աշխատասենյակում ծխի, ինքն իրավասություն է ունենալու նրան տուգանել:
