Մոդրիչը դեռևս ուզում է հեռանալ «Ռեալից»
Լուկա Մոդրիչը լավագույն հարաբերությունների մեջ չէ Խուլեն Լոպետեգիի հետ:
Լուկա Մոդրիչը մինչև հիմա իրեն հարմարավետ չի զգում Մադրիդի «Ռեալում» և մտածում է այն մասին, որպեսզի ձմռանը հեռանա ակումբից:
Ինչպես հայտնի է դարձել Corriere dello sport-ին, խորվաթը դժգոհ է Խուլեն Լոպետեգիի հետ աշխատանքից, ինչպես նաև գտնվում է սառը հարաբերությունների մեջ Ֆլորենտինո Պերեսի հետ:
Մոդրիչի ծառայություններով հետաքրքրված է Միլանի «Ինտերը», որն արդեն փորձել է ստորագրել կիսապաշտպանին ամռանը: «Ռեալը» կհամաձայնի վաճառել խորվաթին միայն այն դեպքում, եթե գտնի նրա փոխարինողին: Ըստ աղբյուրի վարկածի՝ Արքայական ակումբն ընտրում է Նեյմարի և Մբապեի միջև:
32-ամյա կիսապաշտպանի պայմանագիրը «Ռեալի» հետ ավարտվում է 2020 թվականին, իսկ Մոդրիչի արժեքը, ըստ Transfermarkt-ի՝ գնահատվում է ընդամենը 25 մլն եվրո:
Պատրաստեց Անի Գաբուզյանը
