«Տղաները կարողացան վերադարձնել պարտքը». Բերեզովսկի
Հայաստանի ազգային հավաքականի նախկին դարպասապահ, այժմ հավաքականի դարպասապահների մարզիչ Ռոման Բերեզովսկին Հայաստան-Մակեդոնիա (4:0) խաղից հետո կիսվել է տպավորություններով:
«Մենք պարտավոր էինք ձեր դիմաց, մեր ողջ ժողովրդի դիմաց վերադարձնել պարտքը: Եվ ես շատ ուրախ եմ, քանի որ տղաները կարողացան վերադարձնել պարտքը: Տղաները առաջին րոպեից առանց իրենց խղճալու ամբողջ հոգին տվեցին դաշտում: Եվ արդյունքը տեսաք դուք:
Գուցե ես մի փոքր օգնել եմ Արամ Հայարապետյանին, բայց ամենակարևորը ինքն է, ինքն է ցույց տվել նման խաղ:
Մենք կփորձենք չկորցնել առաջին տեղի հույսերը, բայց մենք դեռ ոչ ստաբիլ ենք խաղում: Չգիտեմ, թե ինչպես ստացվեց Ջիբրալթարի հետ խաղը, բայց ափսոս էր»,- նշել է Ռոման Բերեզովսկին:
Սիրարփի Աղաբաբյան
