«Մենք երբեք չենք փորձում ազդել փորձաքննության մարմինների վրա». Արթուր Վանեցյանը՝ Հովիկ Աբրահամյանի տարածքում հայտնաբերված զենքերի մասին
ԱԱԾ տնօրեն Արթուր Վանեցյանն այսօր կառավարությունում լրագրողների հետ զրույցում պարզաբանումներ ներկայացրեց ՀՀ նախկին վարչապետ Հովիկ Աբրահամյանին պատկանող տարածքում հայտնաբերված զենքերի կապակցությամբ։
«Տվյալներ էին ստացվել, որ Հովիկ Աբրահամյանի ընտանիքին փաստացի պատկանող տարածքում առկա է մեծ քանակությամբ զենք-զինամթերք, որը, հնարավոր է, առնչությունի ունի Մարտի 1-ի դեպքերի հետ։ Այդ օրերին, դուք հիշում եք, անընդհատ տարբեր հարցեր էիք տալիս և ուզում էիք անպայման, որ իմ բերանից դուրս գար մի խոսք, որով ես պետք է մեղադրեի այս կամ այն անձին այդ զենքերի՝ Մարտի 1-ին օգտագործման մեջ։ Ես հստակ որևէ հայտարարություն չեմ արել, ասել եմ, որ կա վարկած, որ, հնարավոր է, օգտագործվել է։ Իրականացվել է փորձաքննություն, և ՀՔԾ պետը հայտարարել է, որ զենքերը որևէ առնչություն չունեն Մարտի 1-ի հետ»,- ասաց Վանեցյանը։
Ըստ նրա՝ կարևորը՝ օբյեկտիվ քննություն է իրականացվում. «Մենք երբեք չենք փորձում ազդել փորձաքննության մարմինների վրա` մեզ կամ հանրությանը ցանկալի արդյունք ստանալու համար»։
Մանրամասները՝ տեսանյութում
