Ինչու է Սյունիքի մարզպետի պաշտոնում նշանակվում Հունան Պողոսյանը. «Ժամանակ»
«Ժամանակ» թերթը գրում է. «Վարչապետ Նիկոլ Փաշինյանը ի սկզբանե ցանկացել է Սյունիքի մարզպետ նշանակել ուժային կառույցներում աշխատած գործչի: Առաջարկներ են արվել Վազգեն Սարգսյանի վարչապետության շրջանում ուժային կառույցներում աշխատած մի քանի գործիչների, ովքեր, սակայն, մերժել են Փաշինյանի առաջարկը:
Հունան Պողոսյանի նշանակումը Սյունիքի մարզպետի պաշտոնում բացատրվում է ոչ միայն այն հանգամանքով, որ վերջինս նախկինում զբաղեցրել է փոխոստիկանապետի պաշտոնը: Պողոսյանը և նրա եղբայրը գործարար կապեր ունեն Իրանի հետ: Մասնավորապես՝ Պողոսյանի եղբայրը երկար տարիներ զբաղվում է Իրանից ցիտրուսային մրգերի ներկրմամբ և մեծածախ վաճառքով»:
Ամբողջությամբ կարող եք կարդալ թերթի այսօրվա համարում:
