«Մեզ ոչ մի բան չի կարող խանգարել, պետք է դուրս գանք և հաղթենք». Հարոյան
Հայաստան-Ջիբրալթար խաղից առաջ հանդիպման կարևորության մասին են խոսել Հայաստանի ազգային հավաքականի ֆուտբոլիստները:
Հավաքականի պաշտպան Վարազդատ Հարոյանը նշում է, որ պարտվելու իրավունք չունենք:
«Ուսումնասիրել ենք մրցակցին ու պատրաստ ենք խաղին, պետք է կենտրոնացած խաղանք, քանի որ նման հավաքականների դեմ դժվար է խաղալ: Պետք է հաղթենք, հետո միայն կտրամադրվենք և կկենտրոնանաք Մակեդոնայի հետ խաղին: Երկու խաղն էլ պետք է հաղթենք, քանի որ միավոր կորցնելու իրավունք չունենք:
Մրցակիցը խաղալու է հակագրոհների մարտավարությամբ, և գնդակով թիմի համար դժվար է լինելու: Պետք է կենտրոնանանք և պատրաստ լինենք:
Շատ ուրախ եմ, որ Յուրան վերադարձել է հավաքական, նա շատ բարձրակարգ ֆուտբոլիստ է: Երբ հավաքականի մարզաշապիկով ես մտնում մարզադաշտ, այլ կերպ ես խաղում, և մարզավիճակը երկրորդական պլանում է հայտնվում:
Մարզչական փոփոխությունը, չեմ կարծում, որ ինչ-որ հոգեբանական փոփոխություն է բերել: Երկու օր է՝ մարզվում ենք, և թիմի տրամադրությունը շատ լավ է: Մոռացել ենք Մակեդոնիայի հետ խաղը, քանի որ բոլորս էլ տեսանք, թե ինչ տեղի ունեցավ Մակեդոնիայում: Լիովին տրամադրված ենք խաղերին, և մեզ ոչ մի բան չի կարող խանգարել, պետք է դուրս գանք և հաղթենք»:
Հիշեցնենք, որ Ազգերի լիգայի խմբային փուլի Հայաստան-Ջիբրալթար հանդիպումը տեղի կունենա այսօր՝ 20:00-ին, Վազգեն Սարգսյանի անվան հանրապետական մարզադաշտում:
Սիրարփի Աղաբաբյան
