«Մոնակոն», որպես նոր գլխավոր մարզիչ, հոկտեմբերի 15-ին կներկայացնի Անրիին

Ինչպես տեղեկացնում է L’Equipe-ը, Ֆրանսիայի հավաքականի նախկին հարձակվող Թիերի Անրին մոտ ժամանակներս կզբաղեցնի «Մոնակոյի» գլխավոր մարզչի պաշտոնը:

Ըստ պարբերականի տեղեկության՝ հոկտեմբերի 13-ին նախկին ֆուտբոլիստը կհեռանա Բելգիայի հավաքականից, որտեղ նա տվյալ պահին կատարում է թիմի գլխավոր մարզիչ Ռոբերտո Մարտինեսի առաջին օգնականի դերը: Ինչպես սպասվում է, արդեն երկուշաբթի՝ հոկտեմբերի 15-ին, Անրին պաշտոնապես կներկայացվի՝ որպես մոնեգասկների գլխավոր մարզիչ:

Նախօրեին՝ հոկտեմբերի 11-ին, «Մոնակոն» պաշտոնապես հայտարարեց Լեոնարդու Ժարդիմի հեռացման մասին, ով զբաղեցնում էր թիմի գլխավոր մարզչի պաշտոնը 2014 թվականից: Նրա ղեկավարությամբ ակումբը նվաճել է Ֆրանսիայի առաջնության չեմպիոնի տիտղոսը 2016-17թթ. մրցաշրջանում:

Պատրաստեց Անի Գաբուզյանը