Հովիկ Աբրահամյանին փաստացի պատկանող տարածքներում հայտնաբերված զենքը «Մարտի 1-ի» հետ կապ չունի. ՀՔԾ պետ
ՀՀ նախկին վարչապետ Հովիկ Աբրահամյանին փաստացի պատականող տարածքներում հայտնաբերված զենքերի փորձաքննությունն ավարտվել է, դրանք կապ չունեն «Մարտի 1»-ի իրադարձությունների հետ, համընկնում չկա: Այս մասին լրագրողների հետ զրույցում ասել է ՀՔԾ պետ Սասուն Խաչատրյանը:
«Մարտի 1-ի դեպքի վայրից հայտնաբերված pպարկուճների և գործարանում առգրավված զենքերի հետ համընկում չկա»,- ասաց Սասուն Խաչատրյանը,- ասաց նա:
Սասուն Խաչատրյանն ասել է, որ «Մարտի 1-ի» գործն ակտիվ փուլում է, կատարվում են քննչական գործողություններ՝ միաժամանակ չպատասխանելով հարցին, թե արդյոք հարցաքննության կանչվե՞լ է Սերժ Սարգսյանը:
Ինչ վերաբերում է գործարար Սամվել Մայրապետյանի մեղադրանքին, ապա ՀՔԾ պետը հիշեցրել է, որ խոսքը 2008 թվականին կաշառք տալուն օժանդակելու մասին է:
Անդրադառնալով «Հոկտեմբերի 27»-ի գործի վերաբացելու մասին լրագրողների հարցին՝ Սասուն Խաչատրյանն ասել է. «Հատուկ քննչական ծառայությունն իրականացնում է նախաքննություն այն գործերի հետ կապված, որոնք գտնվում են մեր վարույթում, ՀՔԾ վարույթում նման գործ չկա»:
