«Համաձայնագիր ստորագրելու տարբերակը վատ չի լինի». Նիկոլ Փաշինյանը կբանակցի ԱԺ խմբակցությունների հետ
«Հայաստանում փակ դռներ չկան և չեն կարող լինել»,-խորհրդարանում լրագրողներին ասաց վարչապետ Նիկոլ Փաշինյանը՝ ի պատասխան հարցի՝ բանակցությունների դռները փակվա՞ծ են, թե՞ ոչ։
«Ես հիմա կփորձեմ մեր գործընկերների տեսակետն իմանալ, թե ինչպես պետք է հաղթահարենք սա»,-ասաց նա։ Ստեղծված իրավիճակի հանգուցալուծումը վարչապետը պատկերացնում է արտահերթ խորհրդարանական ընտրությունների անցկացմամբ. «Ես հրաժարական կտամ և իրենք վարչապետի թեկնածու չեն առաջադրի՝ պարզապես մարդկանց չգրգռելու համար։ Հույս ունեմ՝ մեր գործընկերներն այս իրավիճակը ճիշտ կգնահատեն»,-ասաց նա՝ նկատելով, որ համաձայնագիր ստորագրելու տարբերակը վատ չի լինի։
Փաշինյանն ասաց, որ բոլոր որոշումները կկայացվեն իրավիճակին համապատասխան։
