«Բողոքի ակցիայի կազմակերպիչները մարդկանց մեծ հոսքն այստեղ կարողացել են ապահովել սոցցանցերի միջոցով». Սամվել Մարտիրոսյան
Մարդկանց հոսքը դեպի Բաղրամյան պողոտա շարունակվում է, հավաքվածները շարունակում են տարբեր արտահայտություններ վանկարկել ՀՀԿ, «Ծառուկյան» և ՀՅԴ խմբակցությունների դեմ, ովքեր կողմ են քվեարկել աղմկահարույց օրենքի նախագծին։
Բողոքի ցույցի մասնակիցների մեջ է նաև տեղեկատվական տեխնոլոգիաների մասնագետ Սամվել Մարտիրոսյանը։ 168.am-ի հետ զրուցում Ս. Մարտիրոսյանը նշեց, որ բողոքի ակցիայի կազմակերպիչները մարդկանց մեծ հոսքն այստեղ կարողացել են ապահովել սոցցանցերի միջոցով.
«Այստեղ գտնվող բոլոր մարդիկ կան սոցցանցերում, բավական է փողոց դուրս գալու կոչ լինի և բոլորն այդ մասին տեղեկանում են։ Ընդհանրապես Հայաստանում տեղի ունեցած իշխանափոխության գործում մեծ էր սոցցանցերի դերը, որը մարդկանց տեղեկատվություն փոխանցելու հիմնական միջոցն էր»,-ասաց նա։
