«Ես մի քանի րոպեով հիմա կգնամ Բաղրամյան 26-ի իմ աշխատասենյակ, կարևոր գործ կա անելու ու կվերադառնամ». Փաշինյան
Քիչ առաջ Նիկոլ Փաշինյանն անձամբ միացել էր Դեմիրճյան և Բաղրամյան պողոտայում Ազգային ժողովի շուրջ իր կոչով հավաքված քաղաքացիներին։
«Ես մի քանի րոպեով հիմա կգնամ Բաղրամյան 26-ի իմ աշխատասենյակ, կարևոր գործ կա անելու ու կվերադառնամ: Նա հիշեցրեց նաև, որ ակցիան խաղաղ է, ու չպետք է տրվել բռնության որևէ կոչի»,-այս մասին հենց նոր Բաղրամյան պողոտայում հայտարարեց վարչապետ Նիկոլ Փաշինյանը:
Հիշեցնենք, որ Ազգային ժողովն արտահերթ նիստում քիչ առաջ 67 կողմ ձայնով ընդունել է Ազգային ժողովի կանոնակարգ-օրենքում փոփոխություններ կատարելու մասին օրենքի նախագիծը: Ազգային ժողովում լրագրողների հետ զրույցում այս մասին հայտնել է ՀՀ Ազգային ժողովի փոխնախագահ Էդուարդ Շարմազանովը: «Օրենքն ընդունվեց 67 կողմ ձայնով»,- նշեց Շարմազանովը:
Նա ընդգծել է, որ քվեարկությունը քարտերով չի իրականացվել, այլ ձեռքով:
Նախագծին կողմ են քվեարկել ՀՀԿ-ն, ԲՀԿ-ն ու ՀՅԴ-ն: 
