Ազնավուրը հեռացավ, Ֆրանկոֆոնիան սգում է. Ֆրանկոֆոնիայի միջազգային կազմակերպության գլխավոր քարտուղարը ցավակցական ուղերձ է հղել
Աշխարհի այս հայը եղավ ֆրանսերեն լեզվի, արժեքների ու հատկապես ազատության լավագույն դեսպաններից մեկը: Ֆրանկոֆոնիայի միջազգային կազմակերպության գլխավոր քարտուղար Միկայել Ժանի ցավակցական ուղերձ է հղել:
«Անսահման տխրությամբ իմացանք Շառլ Ազնավուրի մահվան գույժը՝ հոկտեմբերի մեկին, 94 տարեկան հասակում, մինչդեռ ողջ Ֆրանկոֆոնիան՝ հավաքված Երեւանում երկրների եւ կառավարությունների ղեկավարների 17-րդ Գագաթաժողովի առիթով, պատրաստվում էր նրա հետ «Բոհեմը» երգել, ձայնակցել նրան այն հողում, որտեղ իր արմատներն են։ Աշխարհի այս հայը եղավ լավագույն դեսպաններից մեկը՝ ֆրանսերեն լեզվի, արժեքների ու հատկապես ազատության։ Ֆրանսալեզու լայն տարածքի ամեն կետում մենք կմնանք սիրող այդ մարդուն եւ իր երգերը, որ հարստություն են մարդկության համար»,- ասված է Ֆրանկոֆոնիայի միջազգային կազմակերպության հաղորդագրության մեջ:
Նշվում է, որ իր կարիերայի ավելի քան յոթանասուն տարիների ընթացքում նա դարձավ քսաներորդ դարի լավագույն երգիչներից մեկը, եւ հատկապես այն ֆրանսերենի փայլուն թարգմանիչը, որ լսվում է բոլոր աշխարհամասերում, բոլոր հնչերանգներով։ Ծնված լինելով Փարիզում գաղթական հայերի ընտանիքում՝ Ազնավուրը սիրում երգել տարբեր լեզուներով՝ այդ կերպ արժանին մատուցելով համամարդկային մշակույթի հարուստ բազմազանությանը։
«Շառլ Ազնավուրին իրեն ամեն տեղ զգում էր, ինչպես իր կողմից վաղուց ճանաչված երկրում՝ շնորհիվ լեզվի եւ իր հուզիչ հումանիզմի։ Հայիթիում 2008 թ․-ին տեղի ունեցած երկրաշարժից հետո՝ Ազնավուրը խորին վշտակցությամբ սկսեց օգնություն ցույց տալ։ Նա արմատեր էր գցել նաեւ Քվեբեկում․ ես հուզիչ հուշեր ունեմ 2008 թ․-ի հուլիսի 5-ից, երբ որպես Գլխավոր կառավարիչ՝ ես նրան հանձնեցի Կանադայի Պատվո շքանշանը, երկիր, որի սրտաբացությունը, տարածքը եւ մարդիկ հարազատ էին նրան։Այդ առթիվ մենք՝ նա եւ ես, անչափ էինք երջանիկ»,- ասված է Միկայել Ժանի ուղերձում։
