Տիգրանաշենի ոլորաններում բեռնատարն ամբողջությամբ այրվել է
Հոկտեմբերի 1-ին` ժամը 00:27-ին, «911» ծառայությանը տեղեկություն է ստացվել, որ Տիգրանաշենի ոլորաններում այրվում է ավտոմեքենա:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Երևան-Երասխ ավտոճանապարհի 84-րդ կմ-ին ամբողջությամբ այրվում է «Mercedes Sprinter» մակնիշի բեռնատարը (վարորդը՝ Ա. Ա., ծնված 1976 թ.):
Հրդեհը մեկուսացվել է ժամը 01:49-ին, մարվել՝ 02:56-ին: Փրկարարներն իրականացրել են ճանապարհի մաքրման և լվացման աշխատանքներ:
Հրդեհի հետևանքով տուժածներ չկան:
