«Բյուջեն պետք է շատ լուրջ փոփոխությունների ենթարկվի». Նիկոլ Փաշինյան
ՀՀ կառավարությունը պատրաստվում է պետբյուջեն լուրջ փոփոխությունների ենթարկել: Այս մասին սեպտեմբերի 30-ին լրագրողների հետ զրույցում նշեց ՀՀ վարչապետ Նիկոլ Փաշինյանը:
«2019թ.-ի բյուջեն գնահատում եմ իներցիոն, որովհետև դա դեռևս մեր կառավարության բյուջեն չէ: Դա ինչ-որ առումով նախկինից եկած իներցիայի բյուջեն է: Դա նախկին կառավարության բյուջեի ուրվականն է: Մեր տրամադրությունն այն է, որ ընթացքում այդ բյուջեն պետք է շատ լուրջ փոփոխությունների ենթարկվի»,- ընդգծց Փաշինյանը:
Նիկոլ Փաշինյանի խոսքով՝ այս հարցում իրենք աշխատանք են տանելու բոլոր ուղղություններով:
ՀՀ կառավարությունը սեպտեմբերի 27-ի նիստում հավանություն է տվել «ՀՀ 2019 թ. պետական բյուջեի մասին» ՀՀ օրենքի նախագծին։
