Անվարորդ տրամվայ կհայտնվի Պոտսդամում
Պոտսդամում սկսվել է աշխարհում առաջին ինքնագնաց տրամվայի թեստավորումը: Այդ մասին հայտնել է Frankfurter Allgemeine Zeitung թերթը: Փորձարկումների ընթացքում անվարորդ տրամվայն հաջողությամբ անցել է վեցկիլոմետրանոց երթուղին: Այդ ընթացքում խցիկում գտնվում էր վարորդը՝ համակարգչային խափանման դեպքում վթարից խոսափելու համար:
Ինչպես նշում է հրատարակությունը, նախքան այս փոխադրամիջոցը կհայտնվի Պոտսդամի փողոցներում, պետք է որոշ ժամանակ անցնի. անհրաժեշտ է տրամվայի համակարգիչներին «սովորեցնել» իրենց գործողությունները համաձայնեցնել ճանապարհային երթեւեկության մյուս մասնակիցների, օրինակ՝ ավտոմոբիլների հետ: Ուստի անվարորդ տրամվային դեռեւս թույլատրված չէ ուղեւորների կանոնավոր փոխադրումներ իրականացնել, հաղորդել է ՌԻԱ Նովոստին:
