Գևորգ Կոստանյանը չի բացառում նախորդ իշխանությունների օրոք դատարանի նկատմամբ ճնշում գործադրելու դեպքերը
ՀՀ ազգային ժողովի ՀՀԿ պատգամավոր Գևորգ Կոստանյանը չի բացառում, որ նախորդ իշխանությունների օրոք դատարանի կամ դատավորների նկատմամբ ճնշում գործադրելու դեպքեր եղած լինեն: Կոստանյանը նման տեսակետ հայտնեց՝ անդրադառնալով լրագրողի հարցին, թե արդյոք դատարանների նկատմամբ ճնշումը գալիս է նախորդ իշխանություններից:
«Իմ մասնագիտությամբ պայմանավորված ես չեմ կարող ինձ շռայլություն թույլ տալ և գնահատական հնչեցնել։ Ես չեմ բացառում, որ նման դեպք եղել է, բայց դա պետք է լինի փաստարկված եւ հիմնավորված: Եթե դատարանի նկատմամբ ճնշում գործադրելու դեպքեր կան և եթե երբևէ եղել են, պետք է պատասխանատուները պատժվեն»,- նշեց Կոստանյանը:
Կոստանյանն արձանագրեց, որ դատական իշխանության անկախության երաշխավորումը և անհրաժեշտությունը եղել է միշտ՝ սրանից 15 տարի առաջ, նաև հիմա: Նրա կարծիքով՝ դատավորների անկախության և դատավորների նկատմամբ որևէ ճնշումը բացառելուն ուղղված պետք է գործուն միջոցներ ձեռնարկեն:
