Ուկրաինան կարդիականացնի Թուրքիայի Mi-17 ուղղաթիռները. Արսեն Ավակով
Ուկրաինան կզբաղվի Թուրքիայի ժանդարմերիայի կողմից օգտագործվող «Mi-17» տիպի բազմաֆունկցիոնալ 17 ուղղաթիռների վերանորոգմամբ և արդիականացմամբ։ Այդ մասին հայտնել է Ուկրաինայի ներքին գործերի նախարար Արսեն Ավակովը իր Twitter-ի էջում։
Ավակովը նշել է.
«Ուկրաինան հաղթեց Թուրքիայի ժանդարմերիայի 17 «Mi-17» ուղղաթիռների վերանորոգման և արդիականացման վերաբերյալ հայտարարված մրցույթում, որի արժեքը կազմում է 40մլն դոլար։ Մենք օդային տրանսպորտի հարթակում ունենք յուրահատուկ ներուժ։ Թուրքիայի հետ համագործակցությունը մեզ համար ռազմավարություն է»։
Ուկրաինացի պաշտոնյան նշել է այդ ուղղաթիռները վերանորոգվելու և արդիականացվելու են Ուկրաինայի արևմուտքում գտնվող Քոնոթոփ շրջանում գտնվող գործարաններից մեկում։
Հիշեցնենք, որ նախօրեին Ավակովը գտնվում էր Անկարայում, որտեղ հանդիպել էր Թուրքիայի ներքին գործերի նախարար Սուլեյման Սոյլուի հետ։
