Չինաստանի ռազմաօդային ուժերի ողջ հզորությունը տեղավորել են կարճ հոլովակում
Չինաստանի ժողովրդաազատագրական բանակի ռազմաօդային ուժերը թողարկել են երեքրոպեանոց հոլովակ, որը ցուցադրում է երկրի ռազմական ավիացիայի հնարավորությունները: YouTube-ում զետեղված տեսանյութին ուշադրություն է դարձրել Business Insider-ը:
Ամերիկյան հրատարակությունը նշում է, որ հոլովակն օգոստոսի վերջին ցուցադրվել է Չինաստանի հյուսիս-արեւելքի Գիրինի նահանգի ավիասալոնում: Տեսանյութն իրենից ներկայացնում է վարժանքների ֆրագմենտների կոմպիլյացիա, մասնավորապես, հինգերորդ սերնդի Chengdu J-20 կործանիչի, Shenyang J-16 գրոհիչի, 4++ սերնդի Chengdu J-10 տակտիկական կալանիչի եւ Xian H-6K ռմբակոծչի մասնակցությամբ:
