Թրամփը հրաժարվել է արտասահմանյան օգնությունն զգալիորեն կրճատելու պլաններից. Reuters
ԱՄՆ-ի նախագահ Դոնալդ Թրամփը հրաժարվել է արտասահմանյան պետություններին ցուցաբերվող օգնության ծրագիրն էականորեն կրճատելու պլաններից: Այդ մասին հայտնել է Reuters գործակալությունը՝ հղում անելով վարչակազմի մի աղբյուրի:
Գործակալության տվյալներով՝ օգոստոսի 16-ին Սպիտակ տունը խնդրել էր Պետդեպարտամենտին եւ ԱՄՆ-ի Միջազգային զարգացման գործակալությանը՝ իրեն ամբողջական տեղեկատվություն տրամադրել օտարերկրյա օգնության կտրուկ կրճատման հնարավոր միջոցառումների վերաբերյալ: Իր նախագահական ժամկետի սկզբից Թրամփը, հիշեցնում է Reuters-ը, ղեկավարվում է «ամենից առաջ Ամերիկան» սկզբունքով, նրա վարչակազմը քանիցս պնդել Է օտարերկրյա պետություններին ցուցաբերվող օգնության կրճատումը:
Այդ պլաններից հրաժարվելու պատճառ է դարձել Կոնգրեսի դիրքորոշումը, որտեղ համաձայն չեն ֆինանսավորման նվազեցման հետ, ճշտում է գործակալությունը: Նրա տվյալներով՝ ԱՄՆ-ի Միջազգային զարգացման գործակալությունը 3,5 մլրդ դոլար գումար էր դիտարկում:
