Ջրասամույրների ընտանիքը սպանել է կոկորդիլոսին, որը հարձակվել էր նրանցից մեկի վրա. անհավանական տեսանյութ
Կոկորդիլոսը որոշել է գրոհել ջրասամույրների մեծ ընտանիքի անդամներից մեկի վրա, բայց դա նրանց դուր չի եկել, եւ նրանք որոշում են ցույց տալ, թե ինչի են ընդունակ։
Ջրասամույրներն ուժեղ եւ ճարպիկ գիշատիչներ են: Նրանք հիանալի լողում են եւ հիմնականում սնվում ձկներով ու խեցեմորթ կենդանիներով: Էգերը հաճախ ստեղծում են ընտանեկան խմբեր, եւ, եթե որեւէ մեկը որոշի անհանգստացնել դրանց թեկուզ մեկ անդամի, մնացած բոլորը կգան նրան պաշտպանելու: Կադրերում երեւում է, թե ինչպես են ջրասամույրները միասին լողում կոկորդիլոսի ուղղությամբ: Ընդամենը նրանք տասն են: Նրանք շրջապատում են կոկորդիլոսիին եւ սկսում բարկացնել նրան՝ բռնելով պոչից: Այժմ ջրասամույրները տաքացել են եւ պատրաստ են մարտի:
Ճղճղոցներով նրանք հարձակվում են կոկորդիլոսի վրա՝ ջրից դուրս հանելով եւ վերեւից նրա վրա թռչելով: Նա փորձում է հակահարված տալ ջրասամույրներին, թափահարում է պոչով եւ սպառնալից բացում երախը, բայց նրանք կոկորդիլոսին շրջապատել են ու կծում են բոլոր կողմերից: Այդ ժամանակ կոկորդիլոսը փրկվելու վերջին փորձն է ձեռնարկում՝ թաքնվել թփերի եւ մացառուտների մեջ: Բայց արդեն չափազանց ուշ է, ջրասամույրները թույլ չեն տալիս նրան շատ հեռու գնալ:
Կադրերում երեւում է, թե մացառուտներում ինչպես է ջրասամույրը բռնել նրա վզից, իսկ նա արդեն չի շարժվում: Լողալով մոտենում են ընտանիքի եւս մի քանի անդամներ, իսկ կոկորդիլոսն արդեն ջրում պառկած է՝ որովայնը վերեւ: Ցավոք, մարտում ընտանիքը նույնպես կորուստներ է կրել. զոհվել է երկու ջրասամույր:
