Ռուսաստանի և Թուրքիայի պաշտպանության նախարարները կրկին հանդիպելու են
Ռուսաստանի պաշտպանության նախարար Սերգեյ Շոյգուն հայտարարել է, որ Թուրքիայի պաշտպանության նախարարը և Ազգային հետախուզական ծառայության ղեկավար Հաքան Ֆիդանը մեկ շաբաթ հետո հանդիպելու են Մոսկվայում: Նկատենք, որ նախորդ շաբաթ Մոսկվայում Սերգեյ Շոյգուի հետ հանդիպում ունեցել էին Աքարը և Ֆիդանը:
Թուրքիայի արտգործնախարար Մևլյութ Չավուշօղլուն կրկին օգոստոսի 24-ին հանդիպելու է Ռուսաստանի իր գործընկեր Սերգեյ Լավրովի հետ:
Իսկ Ռուսաստանի պաշտպանության նախարարության տարածած հայտարարության մեջ նշվում է, որ Շոյգուի և Աքարի հանդիպման ընթացքում քննարկվելու է սիրիական հարցը:
Հայտարարության մեջ ասվում է, որ թուրք-ռուսական համագործակցության վերաբերյալ նախորդ շաբաթ սկսված բազմակողմանի երկխոսությունը շարունակվելու է: Շոյգուն և Աքարը քննարկելու են տարածաշրջանային անվտանգությանն առնչվող մի շարք օրակարգային հարցեր, այդ թվում վերջին զարգացումները Սիրիայում:
Ռուսաստանի ՊՆ-ն հայտնում է, որ Շոյգույի և Աքարի՝ օգոստոսի 17-ին Մոսկվայում տեղի ունեցած հանդիպումը կառուցողական է եղել: Այդ հանդիպման ընթացքում հատուկ կարևորություն է տրվել Սիրիայում հումանիտար իրադրության կարգավորմանը սեղմ ժամկետում:
