Անտոնիո Կոնտեն «Մանչեսթեր Յունայթեդի» գլխավոր մարզչի պաշտոնի հավակնորդների ցուցակում է
Ինչպես հաղորդում է Football Italia-ն, «Չելսիի» նախկին գլխավոր մարզիչ Անտոնիո Կոնտեն հանդիսանում է «Մանչեսթեր Յունայթեդի» գլխավոր մարզչի պաշտոնի հավակնորդներից մեկը:
Ըստ աղբյուրի տեղեկության՝ ակումբի ղեկավարությունը դժգոհ է թիմում տիրող լարված իրավիճակից՝ կապված ներկայիս գլխավոր մարզիչ Ժոզե Մոուրինիոյի և կիսապաշտպան Պոլ Պոգբայի միջև առկա կոնֆլիկտին:
«Մանչեսթեր Յունայթեդի» գլխավոր մարզչի պաշտոնի հիմնական հավակնորդն է «Ռեալի» նախկին գլխավոր մարզիչ Զինեդին Զիդանը:
Կոնտեն գլխավորեց «Չելսին» 2016-18թթ.:
Նրա ղեկավարությամբ ակումբը հաղթեց Անգլիայի առաջնությունը և երկրի Գավաթը:
Պատրաստեց Անի Գաբուզյանը
