Թրամփը նշել է Ռուսաստանի նկատմամբ պատժամիջոցների վերացման պայմանը
ԱՄՆ-ի նախագահ Դոնալդ Թրամփը պատրաստ կլինի քննարկել Ռուսաստանի նկատմամբ սահմանված ամերիկյան պատժամիջոցները վերացնելու հնարավորությունն այն դեպքում, եթե Մոսկվան սկսի Վաշինգտոնի հետ համատեղ քայլեր ձեռնարկել, այդ թվում՝ Սիրիայի եւ Ուկրաինայի նկատմամբ: Այս մասին Թրամփը հայտարարել է Reuters գործակալությանը տված հարցազրույցում
Նա նշել է, որ պատժամիջոցների հարցը չի արծարծվել Ռուսաստանի նախագահ Վլադիմիր Պուտինի հետ իր հանդիպման ժամանակ, սակայն նշել է դրանց հնարավոր վերացման պայմանը: «Ես դա կքննարկեմ, եթե նրանք որեւիցե բան անեն, որը լինի մեր օգտին: Բայց առանց դրա ես դա քննարկել չեմ պատրաստվում»,- նշել է ԱՄՆ-ի նախագահը, հաղորդել է ՏԱՍՍ-ը:
