1000-ուժանոց «Տոյոտա»-ի արժեքը կհասնի 1 մլն դոլարի
1000 ձիաուժ մարզական «Տոյոտա»-ն, որը Gazoo Racing ստորաբաժանումը պատրաստում է սերիական արտադրության, կարժենա ինչպես «իսկական հիպերքառերը»: Այդ մասին Motoring հրատարակությանը տված հարցազրույցում հայտարարել է Ավստրալիայում մակնիշի ներկայացուցիչ Օռլանդո Ռոդրիգեզը:
Նրա խոսքով՝ ավտոմեքենան ինքը իրենց ներկայացնելու է լիարժեք հիպերքառ, ուստի եւ դրա գինը կլինի համապատասխան: Ընդ որում՝ մակնիշի ներկայացուցիչը չի բացառել, որ ավտոմեքենայի արժեքը կարող է գերազանցել 1 մլն դոլարը:
Միեւնույն ժամանակ, «Տոյոտա»-ի ներկայացուցիչները չգիտեն, թե հատկապես որտեղ է պլանավորվում վաճառել հիպերքառը: Նաեւ դրա վերաբերյալ հանգամանալի որեւԷ տեղեկատվություն չկա:
Ավելի վաղ Gazoo Racing-ը միայն հաստատել է նմանօրինակ ավտոմեքանայի սերիական արտադրության գործարկման պլանները: Առայժմ ցուցադրվել է միայն GR Super Sport Concept մոդելի կոնցեպտուալ տարբերակը:
Սպասվում է, որ ավտոմեքենան կստանա ամբողջովին կարբոնային կոնստրուկցիա եւ հիբրիդային ուժային կայանք՝ 2.4 բիտուրբո «վեցյակով»:
